Aadhaar Card: ಮೊದಲ ಬಾರಿ ಆಧಾರ್ ನೋಂದಣಿ ಮಾಡುವವರಿಗೆ ಬಂತು ಹೊಸ ವಿಧಾನ, ಇವರಿಗೆ ಮಾತ್ರ ಅನ್ವಯ!

ಬದಲಾವಣೆ ಜಗದ ನಿಯಮ ಹೌದು ಮೊದಲೆಲ್ಲ ಆಧಾರ ಕಾರ್ಡ್ (Aadhaar Card) ಮಾಡಿಸೋದು ಸಿಕ್ಕಾಪಟ್ಟೆ ಸುಲಭವಾಗಿತ್ತು. ಆದರೆ ಈಗ 18 ವರ್ಷ ಮೇಲ್ಪಟ್ಟು ಮೊದಲ ಬಾರಿಗೆ ಆಧಾರ್ ಮಾಡಲು ಬಯಸುವವರು ಈಗ ಭೌತಿಕ ಪರಿಶೀಲನೆಗೆ ಒಳಪಡಿಸಲಾಗುತ್ತದೆ ಎಂದು ಭಾರತೀಯ ವಿಶಿಷ್ಟ ಗುರುತಿನ ಪ್ರಾಧಿಕಾರ (UIDAI) ಘೋಷಿಸಿದ್ದು, ರಾಜ್ಯ ಸರ್ಕಾರದ ಒಪ್ಪಿಗೆಯೊಂದಿಗೆ ಈ ಪ್ರಕ್ರಿಯೆ ನಡೆಯಲಿದೆ ಎಂದು ಎ. ಯುಐಡಿಎಐ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಮೊದಲ ಬಾರಿ Aadhaar Card ಮಾಡಿಸಲು ಇರುವ ನಿಯಮಗಳೇನು?

18 ವರ್ಷಗಳ ನಂತರ ತಮ್ಮ ಮೊದಲ ಆಧಾರ್ ಕಾರ್ಡ್ (Aadhaar Card) ಮಾಡಲು ಬಯಸುವವರಿಗೆ ಪಾಸ್‌ಪೋರ್ಟ್ (Passport) ತರಹದ ಪರಿಶೀಲನಾ ವ್ಯವಸ್ಥೆಯು ಜಾರಿಯಲ್ಲಿರುತ್ತದೆ. ಎಂದು UIDAI ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ಇನ್ನು ಈ ಉದ್ದೇಶಕ್ಕಾಗಿ ರಾಜ್ಯ ಸರ್ಕಾರವು ಜಿಲ್ಲಾ ಮತ್ತು ಉಪವಿಭಾಗದ ಮಟ್ಟದಲ್ಲಿ ನೋಡಲ್ ಅಧಿಕಾರಿಗಳು, ಹೆಚ್ಚುವರಿ ಜಿಲ್ಲಾಧಿಕಾರಿಗಳನ್ನು ನೇಮಿಸುತ್ತದೆ ಎಂದು ಅಧಿಕಾರಿ ತಿಳಿಸಿದ್ದಾರೆ.

ಅಂತಹ ವ್ಯಕ್ತಿಗಳಿಗೆ ಆಧಾರ್ ಸೌಲಭ್ಯವು ಪ್ರತಿ ಜಿಲ್ಲೆಯ ಮುಖ್ಯ ಅಂಚೆ ಕಚೇರಿ (Post Office) ಮತ್ತು UIDAI ಗುರುತಿಸಿರುವ ಇತರ ಆಧಾರ್ ಕೇಂದ್ರಗಳು ಸೇರಿದಂತೆ ಆಯ್ದ ಕೇಂದ್ರಗಳಲ್ಲಿ ಲಭ್ಯವಿರುತ್ತದೆ. ಈ ವರ್ಗದ ಜನರ ಎಲ್ಲಾ ಆಧಾರ್ ವಿನಂತಿಗಳು ಡೇಟಾ ಗುಣಮಟ್ಟ ಪರಿಶೀಲನೆಗಳ ಮೂಲಕ ಹೋಗುತ್ತವೆ. ನಂತರ ಸೇವಾ ಪೋರ್ಟಲ್ (Seva Portal) ಮೂಲಕ ಪರಿಶೀಲನೆಗಾಗಿ ರೂಟ್ ಮಾಡಲಾಗುತ್ತದೆ. ಸೇವಾ ಪೋರ್ಟಲ್‌ನಲ್ಲಿ ಸ್ವೀಕರಿಸಿದ ಎಲ್ಲಾ ವಿನಂತಿಗಳ ಪರಿಶೀಲನೆಯನ್ನು ಉಪ-ವಿಭಾಗೀಯ ಮ್ಯಾಜಿಸ್ಟ್ರೇಟ್‌ಗಳು ಖಚಿತಪಡಿಸುತ್ತಾರೆ ಮತ್ತು 180 ದಿನಗಳ ಕ್ಲಿಯರೆನ್ಸ್‌ನಲ್ಲಿ ಆಧಾರ್ ಅನ್ನು ರಚಿಸಲಾಗುತ್ತದೆ.

ಇದು ಯಾರಿಗೆ ಅನ್ವಯಿಸುತ್ತದೆ ?

ಇನ್ನು ಈ ಕುರಿತಾಗಿ UIDAI ನ ಉಪ ಮಹಾನಿರ್ದೇಶಕ ಪ್ರಶಾಂತ್ ಕುಮಾರ್ ಸಿಂಗ್ ಪತ್ರಿಕಾ ಹೇಳಿಕೆಯಲ್ಲಿ ಮಾತನಾಡಿ, ಹೊಸ ನಿರ್ದೇಶನಗಳು 18 ವರ್ಷಕ್ಕಿಂತ ಮೇಲ್ಪಟ್ಟವರಿಗೆ ಮೊದಲ ಬಾರಿಗೆ ಆಧಾರ್ ಅನ್ನು ಪಡೆಯುವವರಿಗೆ ಮಾತ್ರ ಅನ್ವಯಿಸುತ್ತವೆ.

ಒಮ್ಮೆ ಅವರ ಆಧಾರ್ ಅನ್ನು ಮಾಡಿದ ನಂತರ, ಅವರು ಸಾಮಾನ್ಯ ಪ್ರಕ್ರಿಯೆಗಳ ಮೂಲಕ ಅದನ್ನು ನವೀಕರಿಸಬಹುದು ಮತ್ತೂ ಬಳಸಬಹುದು ಎಂದು ಅವರು ಹೇಳಿದ್ದಾರೆ .