Unclaimed Deposits: ಬ್ಯಾಂಕ್ಗಳಲ್ಲಿ ಕ್ಲೈಮ್ ಮಾಡದ ಮೊತ್ತವನ್ನು ಈ ರೀತಿಯಾಗಿ ತಿಳಿದುಕೊಳ್ಳಬಹುದು!
![](https://karnatakatimes.com/wp-content/uploads/2024/01/How-to-know-unclaimed-Deposits-in-banks.jpg)
advertisement
ನಿಮ್ಮ ಅಜ್ಜ, ಅಜ್ಜಿ ಬ್ಯಾಂಕ್ನಲ್ಲಿ ಹಣ ಇಟ್ಟು ಅದರ ಬಗ್ಗೆ ಯಾವುದೇ ಮಾಹಿತಿ ನೀಡಿ ಅಸುನೀಗಿದ್ದರೆ ಇನ್ನು ಆ ನಿಧಿ ನೀವು ಪಡೆದುಕೊಳ್ಳುವುದು ಸುಲಭ. ಅವರ ಹಣವನ್ನು ಯಾರೂ ಕ್ಲೇಮ್ ಮಾಡಿಕೊಳ್ಳದೇ ಇದ್ದಲ್ಲಿ ಈ ಹಣವನ್ನು ಟ್ರ್ಯಾಕ್ ಮಾಡಿ ಪಡೆದುಕೊಳ್ಳಲು RBI UDGAM Portal ಅನ್ನು ಪರಿಚಯಿಸಿದೆ.
ಆರ್ಬಿಐ ಉದ್ಗಮ್ ಪೋರ್ಟಲ್ ಎಂದರೇನು?
ಭಾರತದಲ್ಲಿ ಈವರೆಗೂ ಇರುವ ಅನ್ಕ್ಲೇಮ್ಡ್ ಬ್ಯಾಂಕ್ ಡೆಪಾಸಿಟ್ (Unclaimed Deposits) ಅಂದರೆ ಬ್ಯಾಂಕ್ನಲ್ಲಿ ಇಟ್ಟಿರುವ ಹಣವನ್ನು ಯಾರೂ ಕ್ಲೇಮ್ ಮಾಡಿಕೊಳ್ಳದೇ ಇರುವ ಮೊತ್ತ ಎಷ್ಟು ಗೊತ್ತಾ? ಬರೋಬ್ಬರಿ 35 ಸಾವಿರ ಕೋಟಿ ರೂಪಾಯಿ. ಈ ಹಣ ಎಲ್ಲಿತ್ತೆ ಅಂದರೆ, ಇದೆಲ್ಲವೂ ಆರ್ಬಿಐ ಇಲ್ಲಿಯವರರೆಗೂ ತನ್ನಲ್ಲಿ ಇರಿಸಿಕೊಂಡಿತ್ತು. ನಿಮ್ಮ ಅಜ್ಜ, ಅಜ್ಜಿ ಬ್ಯಾಂಕ್ನಲ್ಲಿ 500 ರೂಪಾಯಿ, ಅಥವಾ 5 ಸಾವಿರ ರೂಪಾಯಿ ಇಟ್ಟು ಅದನ್ನು ನಿಮಗ್ಯಾರಿಗೂ ತಿಳಿಸದೇ ಅಸುನೀಗಿದ್ದಲ್ಲಿ ಹಾಗೂ ಇದು ಅನ್ಕ್ಲೇಮ್ ಆಗಿದ್ದಲ್ಲಿ ಅದನ್ನು ಪಡೆದುಕೊಳ್ಳುವ ಅವಕಾಶವನ್ನು ಆರ್ಬಿಐ ಕಲ್ಪಿಸಿದೆ.
ದಿನದಿಂದ ದಿನಕ್ಕೆ ಏರುತ್ತಿರುವ ಅನ್ಕ್ಲೇಮ್ಡ್ ಬ್ಯಾಂಕ್ ಡೆಪಾಸಿಟ್ (Unclaimed Deposits) ಸಮಸ್ಯೆಗಳನ್ನು ಪರಿಹರಿಸಿಕೊಳ್ಳುವ ನಿಟ್ಟಿನಲ್ಲಿ ಆರ್ಬಿಐ (RBI) ಕ್ಲೇಮ್ ಆಗದೆ ಉಳಿದಿರುವ ಠೇವಣಿಗಳನ್ನು ಒಂದೇ ಸ್ಥಳದಲ್ಲಿ ಹುಡುಕಲು ನೆರವು ನೀಡುವ ‘ಉದ್ಗಮ್’ (Unclaimed Deposits – Get Way to Access Information) ಎಂಬ ಕೇಂದ್ರೀಕೃತ ವೆಬ್ ಪೋರ್ಟಲ್ ಅನ್ನು ಆರಂಭ ಮಾಡಿದೆ. ಉದ್ಗಾಮ್ ಪ್ಲಾಟ್ಫಾರ್ಮ್ ಸಹಾಯದಿಂದ, ಬ್ಯಾಂಕ್ಗಳಲ್ಲಿ ಇರುವ ಕ್ಲೈಮ್ ಮಾಡದ ಠೇವಣಿಗಳ ಬಗ್ಗೆ ಮಾಹಿತಿ ಲಭ್ಯವಿರುತ್ತದೆ. ಆರಂಭದಲ್ಲಿ ಈ ಸೌಲಭ್ಯ 7 ಬ್ಯಾಂಕ್ಗಳಿಗೆ ಲಭ್ಯವಿತ್ತು. ಇತರ ಬ್ಯಾಂಕ್ಗಳಲ್ಲಿ ಇರುವ ಕ್ಲೈಮ್ ಮಾಡದ ಮೊತ್ತವನ್ನು ಪತ್ತೆಹಚ್ಚುವ ಸೌಲಭ್ಯವನ್ನು ಹಂತ-ಹಂತವಾಗಿ ಲಭ್ಯಗೊಳಿಸಲಾಗಿದೆ.
ಈ ಬ್ಯಾಂಕ್ಗಳಲ್ಲಿ ಇರುವ ಕ್ಲೈಮ್ ಮಾಡದ ಠೇವಣಿಗಳ ವಿವರಗಳ ಕುರಿತು ಮಾಹಿತಿ:
advertisement
ಜನರು ತಮ್ಮ ಕ್ಲೈಮ್ ಮಾಡದ ಠೇವಣಿಗಳನ್ನು ಒಂದೇ ಸ್ಥಳದಲ್ಲಿ ಅನೇಕ ಬ್ಯಾಂಕ್ಗಳಲ್ಲಿ ಹುಡುಕಲು ಮತ್ತು ಅವುಗಳನ್ನು ಕ್ಲೈಮ್ ಮಾಡಲು ಸುಲಭವಾಗಿಸಲು UDGAM ಪ್ಲಾಟ್ಫಾರ್ಮ್ ಅನ್ನು RBI ಅಭಿವೃದ್ಧಿಪಡಿಸಿದೆ. ಮೊದಲು, ಪೋರ್ಟಲ್ನಲ್ಲಿ 7 ಬ್ಯಾಂಕುಗಳು ಇದ್ದವು: ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ, ಪಂಜಾಬ್ ನ್ಯಾಷನಲ್ ಬ್ಯಾಂಕ್, ಸೆಂಟ್ರಲ್ ಬ್ಯಾಂಕ್ ಆಫ್ ಇಂಡಿಯಾ, ಧನಲಕ್ಷ್ಮಿ ಬ್ಯಾಂಕ್ ಲಿಮಿಟೆಡ್, ಸೌತ್ ಇಂಡಿಯನ್ ಬ್ಯಾಂಕ್. ಹಕ್ಕು ಪಡೆಯದ ಠೇವಣಿಗಳ ಕುರಿತು ಮಾಹಿತಿಯು ಸೌತ್ ಇಂಡಿಯನ್ ಬ್ಯಾಂಕ್ ಲಿಮಿಟೆಡ್), DBS ಬ್ಯಾಂಕ್ ಇಂಡಿಯಾ ಲಿಮಿಟೆಡ್ ಮತ್ತು ಸಿಟಿಬ್ಯಾಂಕ್ NA ನಲ್ಲಿ ಲಭ್ಯವಿದೆ. ಈಗ, ವೆಬ್ಸೈಟ್ನಲ್ಲಿ 30 ಬ್ಯಾಂಕ್ಗಳ ಪಟ್ಟಿ ಲಭ್ಯವಿದೆ.
UDGAM ನೊಂದಣಿ ಪ್ರಕ್ರಿಯೆ ಹೇಗೆ?
ಹಂತ 1: udgam.rbi.org.in ವೆಬ್ಸೈಟ್ಗೆ ಭೇಟಿ ನೀಡಿ. ಮೊಬೈಲ್ ಸಂಖ್ಯೆಯನ್ನು ಬಳಸಿಕೊಂಡು ನೋಂದಾಯಿಸಲು ಕ್ಲಿಕ್ ಮಾಡಿ.
ಹಂತ 2: ನಿಮ್ಮ ಮೊಬೈಲ್ ಸಂಖ್ಯೆಯನ್ನು ಬಳಸಿಕೊಂಡು ನೀವೇ ನೋಂದಾಯಿಸಿಕೊಳ್ಳಬೇಕು. ನಿಮ್ಮ ಹೆಸರನ್ನು ನಮೂದಿಸಿ, ಪಾಸ್ವರ್ಡ್ ರಚಿಸಿ, ಕ್ಯಾಪ್ಚಾವನ್ನು ನಮೂದಿಸಿ, ಕ್ಲಿಕ್ ಮಾಡಿ.
ಹಂತ 3: ನಿಮ್ಮ ಮೊಬೈಲ್ ಸಂಖ್ಯೆಗೆ ಸ್ವೀಕರಿಸಿದ ಒನ್ ಟೈಮ್ ಪಾಸ್ವರ್ಡ್ (OTP) ಅನ್ನು ನಮೂದಿಸಿ. ಆ ಬಳಿಕ ನಿಮ್ಮನ್ನು ಲಾಗಿನ್ ಪುಟಕ್ಕೆ ಮರುನಿರ್ದೇಶಿಸಲಾಗುತ್ತದೆ.
ಹಂತ 4: ಪೋರ್ಟಲ್ಗೆ ಲಾಗ್ ಇನ್ ಮಾಡಲು ನಿಮ್ಮ ನೋಂದಾಯಿತ ಮೊಬೈಲ್ ಸಂಖ್ಯೆ ಮತ್ತು ಪಾಸ್ವರ್ಡ್ ಅನ್ನು ನಮೂದಿಸಿ. ಒಮ್ಮೆ ನೀವು ವಿವರಗಳನ್ನು ನಮೂದಿಸಿದ ನಂತರ, ಮುಂದುವರಿಯಲು ನೀವು ಮತ್ತೊಮ್ಮೆ OTP ಅನ್ನು ನಮೂದಿಸಬೇಕು.
ಹಂತ 5: ಈಗ ಖಾತೆದಾರರ ಹೆಸರನ್ನು ನಮೂದಿಸುವ ಮೂಲಕ ಕ್ಲೇಮ್ ಮಾಡದ ಠೇವಣಿಗಳಿಗಾಗಿ ಹುಡುಕಿ. ನೀವು ಪ್ಯಾನ್, ವೋಟರ್ ಐಡಿ, ಡ್ರೈವಿಂಗ್ ಲೈಸೆನ್ಸ್ ಸಂಖ್ಯೆ, ಪಾಸ್ಪೋರ್ಟ್ ಸಂಖ್ಯೆ ಅಥವಾ ಖಾತೆದಾರರ ಜನ್ಮ ದಿನಾಂಕವನ್ನು ಹೊಂದಿರುವಿರಾ ಎಂದು ಖಚಿತಪಡಿಸಿಕೊಳ್ಳಿ. ಹೆಚ್ಚುವರಿ ಹುಡುಕಾಟ ಮಾನದಂಡದಲ್ಲಿ ನೀವು ವಿಳಾಸವನ್ನು ಕೂಡ ಸೇರಿಸಬಹುದು.ಒಮ್ಮೆ ನೀವು ವಿವರಗಳನ್ನು ಸರಿಯಾಗಿ ನಮೂದಿಸಿದರೆ, ನೀವು ಕ್ಲೈಮ್ ಮಾಡದ ಠೇವಣಿಯನ್ನು ಪರಿಶೀಲಿಸಬಹುದು.
advertisement