Best SUV: ಭಾರತದಲ್ಲಿ ಅತಿ ಹೆಚ್ಚು ಬೇಡಿಕೆ ಇರುವ Top 3 SUV ಕಾರುಗಳು.

ಭಾರತೀಯ ಆಟೋಮೊಬೈಲ್ ಮಾರುಕಟ್ಟೆಯು ವಿಸ್ತಾರವಾಗಿ ವೈವಿಧ್ಯಮಯವಾಗಿ ಬೆಳೆದು ನಿಂತಿದೆ. ಮೊದಲೆಲ್ಲ ಕೆಲವೇ ಕಾರ್ ಬ್ರಾಂಡ್ ಹೊಂದಿದ್ದ ಭಾರತದಲ್ಲಿ ಐಷಾರಾಮಿ ಕಾರ್ ಬ್ರಾಂಡ್‌ಗಳು ಈಗ ಸಾಮಾನ್ಯವಾಗಿ ನಮ್ಮ ಸುತ್ತಲೂ ಕಂಡುಬರುತ್ತವೆ. ಅಕ್ಟೋಬರ್ 2023 ರಲ್ಲಿ, ಮಾರುತಿ ಸುಜುಕಿ ಕಂಪನಿಯ ಎರ್ಟಿಗಾ 7 ಸೀಟರ್ ವಾಹನ ಭಾರತದಲ್ಲಿ ಹಲವರ ಮನಗೆದ್ದಿದೆ. ಈ ವಾಹನವು ಮಾರಾಟದಲ್ಲಿ ಮೊದಲ ಸ್ಥಾನದಲ್ಲಿದೆ, ಈ ವಾಹನವು ಮಹೀಂದ್ರಾ ಮತ್ತು ಟೊಯೋಟಾ ವಾಹನಗಳಿಗೆ ಕಠಿಣ ಸ್ಪರ್ಧೆಯನ್ನು ನೀಡಿದೆ

ಮಾರುತಿ ಸುಜುಕಿ ಎರ್ಟಿಗಾ (Maruti Ertiga) – 14,209 ಯುನಿಟ್‌ಗಳು ಮಾರಾಟವಾಗಿವೆ.

ಭಾರತದಲ್ಲಿನ ರೋಡ್ ಗಳಿಗೆ ಉತ್ತಮವು ಹಾಗೂ ಕಡಿಮೆ ಖರ್ಚು ಹೊಂದಿದ್ದು ಆರಾಮದಾಯಕವಾದ ಪ್ರಯಾಣ ನೀಡುವಲ್ಲಿ ಮೊದಲ ಸ್ಥಾನದಲ್ಲಿದ್ದು ಮಾರುತಿ ಸುಜುಕಿ ಕಂಪನಿಯ ಎರ್ಟಿಗಾ ವಾಹನ. ಈ 7 ಆಸನಗಳ ಫ್ಯಾಮಿಲಿ ಕಾರು ಕಳೆದ ತಿಂಗಳು ಅಕ್ಟೋಬರ್ 2023 ರಲ್ಲಿ ಉತ್ತಮವಾಗಿ ಮಾರಾಟವಾಗಿದೆ, ಏಕೆಂದರೆ ಇದರಲ್ಲಿ ಸುಧಾರಿತ ವೈಶಿಷ್ಟ್ಯಗಳನ್ನು ನೀಡಲಾಗಿದೆ. ಕಳೆದ ತಿಂಗಳು ಈ ವಾಹನದ ಒಟ್ಟು 14,209 ಯುನಿಟ್‌ಗಳು ಮಾರಾಟವಾಗಿವೆ.

ಮಹೀಂದ್ರ ಸ್ಕಾರ್ಪಿಯೊ (Mahindra Scorpio) – 13,578 ಯುನಿಟ್‌ಗಳು ಮಾರಾಟವಾಗಿವೆ

ಮಹೀಂದ್ರಾ ಕಂಪನಿಯ ಪ್ರಸಿದ್ಧ ಸ್ಕಾರ್ಪಿಯೋ ಕಾರು ಪಟ್ಟಿಯಲ್ಲಿ ಎರಡನೇ ಸ್ಥಾನದಲ್ಲಿದೆ. ಅಕ್ಟೋಬರ್ 2023 ರಲ್ಲಿ ಒಟ್ಟು 13,578 ಯುನಿಟ್‌ಗಳು ಮಾರಾಟವಾಗಿವೆ ಮತ್ತು ನಾವು ಅದನ್ನು ಅಕ್ಟೋಬರ್ 2022 ರ ತಿಂಗಳಿಗೆ ಹೋಲಿಸಿದರೆ, ಈ ವಾಹನದ ಒಟ್ಟು 7,438 ಯುನಿಟ್‌ಗಳು ಅಕ್ಟೋಬರ್ 2022 ರಲ್ಲಿ ಮಾರಾಟವಾಗಿದೆ.ಅಂದರೆ, ವರ್ಷದಿಂದ ವರ್ಷಕ್ಕೆ ಮಾರಾಟ ಹೆಚ್ಚಳವಾಗಿದೆ. ಮುಂಬರುವ ದಿನಗಳಲ್ಲಿ ಇದು ಇನ್ನಷ್ಟು ಮಾರಾಟವಾಗುವ ಸಂಭವವಿದೆ. ಸುರಕ್ಷತೆ ಹಾಗೂ ಕ್ಷಮತೆ ವಿಚಾರದಲ್ಲಿ ಹೇಳಿ ಮಾಡಿಸಿದ ಕಾರ್ ಇದು.

ಮಹೀಂದ್ರ ಬೊಲೆರೊ (Mahindra Bolero) – 9,647 ಯುನಿಟ್‌ಗಳು ಮಾರಾಟವಾಗಿವೆ.

ಇದು ಜನರ ಮನಗೆದ್ದ ಎರಡನೇ ಮಹೀಂದ್ರಾ ಕಂಪನಿಯ ವಾಹನವಾಗಿದೆ. ಅಕ್ಟೋಬರ್ 2023 ರಲ್ಲಿ ಒಟ್ಟು 9,647 ಯುನಿಟ್ ಮಹೀಂದ್ರ ಬೊಲೆರೊಗಳು ಮಾರಾಟವಾಗಿವೆ ಮತ್ತು ಈ ವಾಹನದ ಒಟ್ಟು 8,772 ಯುನಿಟ್‌ಗಳು ಅಕ್ಟೋಬರ್ 2022 ರಲ್ಲಿ ಮಾರಾಟವಾಗಿವೆ, ಅಂದರೆ ನಾವು ಇದರ ಮಾರಾಟದಲ್ಲಿ 10% ರಷ್ಟು ಹೆಚ್ಚಳವನ್ನು ಕಂಡಿದ್ದೇವೆ ವರ್ಷದಿಂದ ವರ್ಷಕ್ಕೆ ಈ ಕಾರ್ ನ ಬೇಡಿಕೆ ಹೆಚ್ಚುತ್ತಿದೆ. ಸುರಕ್ಷತೆ ವಿಷಯದಲ್ಲಿ ಈ ಕಾರ್ ಉತ್ತಮ ರೇಟಿಂಗ್ ಪಡೆದುಕೊಂಡಿದೆ