Home Loan: ಗೃಹ ಸಾಲದ ಮೇಲಿನ ಬಡ್ಡಿ ದರ ಕಡಿಮೆ ಮಾಡಿಕೊಳ್ಳಲು ನೀವು ಹೀಗೆ ಮಾಡಿದ್ರೆ ಬೆಸ್ಟ್

ಸಾಮನ್ಯವಾಗಿ ಪ್ರತಿಯೊಬ್ಬರಿಗೂ ಸ್ವಂತ ಮನೆ ಬೇಕು ಎಂಬ ಆಸೆ ಇರುತ್ತದೆ. ಕೆಲವರು ಮನೆ ನಿರ್ಮಿಸಲು ಗೃಹ ಸಾಲವನ್ನು ಅವಲಂಬಿಸುತ್ತಾರೆ. ಆದಾಗ್ಯೂ, ಭಾರತೀಯ ರಿಸರ್ವ್ ಬ್ಯಾಂಕ್ (RBI) ಇತ್ತೀಚೆಗೆ ತನ್ನ ಹಣಕಾಸು ನೀತಿ ಪರಾಮರ್ಶೆಯಲ್ಲಿ ರೆಪೋ ದರ (Repo Rate) ವನ್ನು ಯಥಾಸ್ಥಿತಿಯಲ್ಲಿ ಇರಿಸಲು ನಿರ್ಧರಿಸಿದೆ. ಇದರಿಂದಾಗಿ ಗೃಹ ಸಾಲ (Home Loan) ಪಡೆದವರು ಹೆಚ್ಚಿನ ಬಡ್ಡಿದರದ ಸವಾಲನ್ನು ಎದುರಿಸುತ್ತಿದ್ದಾರೆ.

ಚಿಲ್ಲರೆ ಸಾಲ (Loan) ಗಳಿಗೆ ರೆಪೊ ದರದಂತೆ, ಫ್ಲೋಟಿಂಗ್-ರೇಟ್ (Floating-Rate) ಸಾಲಗಳನ್ನು ಅಕ್ಟೋಬರ್ 2019 ರಿಂದ ಬಾಹ್ಯ ಬೆಂಚ್‌ಮಾರ್ಕ್ (Benchmark) ಆಧಾರಿತ ಸಾಲ ದರಕ್ಕೆ (EBLR) ಲಿಂಕ್ ಮಾಡಲಾಗಿದೆ. ಮೇ 2022 ಮತ್ತು ಫೆಬ್ರವರಿ 2023ರ ನಡುವೆ ರೆಪೊ ದರದಲ್ಲಿ 250 ಬೇಸಿಸ್ ಪಾಯಿಂಟ್‌ಗಳ ಹೆಚ್ಚಳವು ಗೃಹ ಸಾಲದ ಬಡ್ಡಿದರಗಳ ಹೆಚ್ಚಳಕ್ಕೆ ಕಾರಣವಾಗಿದೆ. ಸಾಲಗಾರರ ಮೇಲೆ ಹೆಚ್ಚುವರಿ ಆರ್ಥಿಕ ಹೊರೆ ಬೀಳುತ್ತದೆ. ಆದಾಗ್ಯೂ, ಸಾಲಗಾರರು ಕೆಲವು ಆಯ್ಕೆಗಳ ಮೂಲಕ ಗೃಹ ಸಾಲದ ಬಡ್ಡಿಯನ್ನು ಕಡಿಮೆ ಮಾಡಬಹುದು.

Home Loan ಕಡಿಮೆ ಮಾಡಲು ಹೀಗೆ ಮಾಡಿ:

ಗೃಹ ಸಾಲದ ದರಗಳನ್ನು (Home Loan Rates) ಎದುರಿಸುತ್ತಿರುವ ಸಾಲಗಾರರು ಬಡ್ಡಿದರಗಳನ್ನು ಕಡಿಮೆ ಮಾಡಲು ತಮ್ಮ ಬ್ಯಾಂಕ್‌ಗಳನ್ನು ಸಂಪರ್ಕಿಸಬಹುದು. ಎರವಲುದಾರರು ತಮ್ಮ ಸಾಲದ ದರ (Loan Rate) ಗಳನ್ನು ಮರುಪಾವತಿಸಲು ವಿನಂತಿಸಬಹುದು. ಆದರೆ ಪ್ರಸ್ತುತ ದರ ಮತ್ತು ಹೊಸ ಸಾಲಗಾರರಿಗೆ ನೀಡಲಾಗುವ ದರಗಳ ನಡುವೆ ಗಮನಾರ್ಹ ವ್ಯತ್ಯಾಸವಿರಬೇಕು.

ಮೇ 2022 ಮತ್ತು ಫೆಬ್ರವರಿ 2023ರ ನಡುವೆ ಆರ್‌ಬಿಐ ರೆಪೋ ದರ (RBI Repo Rate) ವನ್ನು 250 ಅಂಕಗಳಷ್ಟು ಏರಿಸಿ ಶೇಕಡಾ 6.5ಕ್ಕೆ ಹೆಚ್ಚಿಸಿದೆ. ಇದರಿಂದಾಗಿ, ಗೃಹ ಸಾಲ (Home Loan) ದ ದರಗಳು ಏರಿಕೆಯಾಗಿ ಸಾಲಗಾರರ ಹೊರೆಯನ್ನು ಹೆಚ್ಚಿಸಿವೆ. ಪ್ರಸ್ತುತ, ಅನೇಕ ಬ್ಯಾಂಕುಗಳು 8.4 ರಿಂದ 11 ಪ್ರತಿಶತ ಅಥವಾ ಅದಕ್ಕಿಂತ ಹೆಚ್ಚಿನ ದರದಲ್ಲಿ ಗೃಹ ಸಾಲಗಳನ್ನು ನೀಡುತ್ತಿವೆ.

ಈಗ ರೆಪೋ ದರ (Repo Rate) ಯಥಾಸ್ಥಿತಿಯಲ್ಲಿ ಮುಂದುವರಿದಿದ್ದರೂ ಗೃಹ ಸಾಲದ ಮೇಲಿನ ಬಡ್ಡಿ ದರವನ್ನು ನೀವು ಕಡಿಮೆ ಮಾಡಿಕೊಳ್ಳಲು ಒಂದಿಷ್ಟು ಅವಕಾಶವಿದೆ. ಬಡ್ಡಿ ದರದಲ್ಲಿ ಕಡಿತಕ್ಕಾಗಿ ನಿಮ್ಮ ಬ್ಯಾಂಕ್ ಅನ್ನು ಸಂಪರ್ಕಿಸಿ ಎಂದು ಪರಿಣತರು ಸಲಹೆ ನೀಡುತ್ತಾರೆ.

ಈ ವಿಧಾನ ಬಳಸಿ ಗೃಹ ಸಾಲ (Home Loan) ದ ಮೊತ್ತ ಇಳಿಸಿ:

ಗೃಹ ಸಾಲ (Home Loan) ಪಡೆದುಕೊಂಡವರು ತಮ್ಮ ಅಸ್ತಿತ್ವದಲ್ಲಿರುವ ಬಡ್ಡಿ ದರ ಹಾಗೂ ಹೊಸದಾಗಿ ಗೃಹ ಸಾಲಗಾರರಿಗೆ ನೀಡುತ್ತಿರುವ ಬಡ್ಡಿ ದರದ ನಡುವೆ ವ್ಯತ್ಯಾಸವಿದೆಯೇ ಎಂಬುದನ್ನು ಗಮನಿಸಬೇಕು. ಹೊಸದಾಗಿ ಗೃಹ ಸಾಲ ನೀಡುವವರಿಗೆ ಬಡ್ಡಿ ದರ ಕಡಿಮೆ ವಿಧಿಸಲಾಗುತ್ತಿದ್ದರೆ ನೀವೂ ಕೂಡ ನಿಮ್ಮ ಸಾಲದ ಬಡ್ಡಿ ದರ ಕಡಿತಗೊಳಿಸಲು ವಿನಂತಿಸಬಹುದು ಎಂದು ಅವರು ವಿವರಿಸುತ್ತಾರೆ.

ಈ ಕುರಿತು ನೀವು ಇಮೇಲ್ (Email) ವಿನಂತಿಯನ್ನು ಕಳುಹಿಸಬೇಕು. ಬ್ಯಾಂಕ್‌ಗೆ ಮರುಪಾವತಿ / ಪರಿವರ್ತನೆ ಶುಲ್ಕವನ್ನು ಪಾವತಿಸಬೇಕು. ಈ ಶುಲ್ಕವು ಬಾಕಿ ಇರುವ ಸಾಲದ ಮೊತ್ತದ 0.25 ರಿಂದ0.50 ಪ್ರತಿಶತದವರೆಗೆ ಇರುತ್ತದೆ. ಪರಿವರ್ತನೆ ಶುಲ್ಕ ಪಾವತಿ ಮತ್ತು ಬಡ್ಡಿ ದರ ಕಡಿತದಿಂದಾಗುವ ಉಳಿತಾಯ- ಈ ಎರಡನ್ನೂ ಲೆಕ್ಕಾಚಾರ ಹಾಕಿದ ನಂತರ ನೀವು ಮುಂದಿನ ಕ್ರಮ ಕೈಗೊಳ್ಳಬೇಕು. ಈ ಮೂಲಕ ಗೃಹ ಸಾಲದ ಇಎಂಐ ಪಾವತಿ ಮೊತ್ತದಲ್ಲಿ ಉಳಿತಾಯ ಮಾಡಬಹುದು.