UPI Cashback: UPI ಮೂಲಕ ವಹಿವಾಟುಗಳ ಮೇಲೆ ಪ್ರತಿ ತಿಂಗಳು ₹625 ರವರೆಗಿನ ಕ್ಯಾಶ್‌ಬ್ಯಾಕ್ ಲಭ್ಯ, ಈ ಬ್ಯಾಂಕಿನವರಿಗೆ ಮಾತ್ರ!

ಖಾಸಗಿ ವಲಯದ ಬ್ಯಾಂಕ್ ಡಿಸಿಬಿ ಬ್ಯಾಂಕ್ ತನ್ನ ಇತ್ತೀಚಿನ ಕೊಡುಗೆಯಾದ ‘DCB Happy Savings Account’ ಅನ್ನು ಘೋಷಿಸಿದ್ದು, ಭಾರತದಲ್ಲಿನ ತಮ್ಮ ಅರ್ಹ ಯುಪಿಐ ಡೆಬಿಟ್ ವಹಿವಾಟಿನ ಮೇಲೆ ಕ್ಯಾಶ್‌ಬ್ಯಾಕ್ ಬಹುಮಾನಗಳನ್ನು ಆನಂದಿಸಲು ಅವಕಾಶವನ್ನು ನೀಡುತ್ತದೆ. DCB ಬ್ಯಾಂಕ್ ಪ್ರಕಾರ, ಹ್ಯಾಪಿ ಸೇವಿಂಗ್ಸ್ ಖಾತೆಯಿಂದ UPI ಮೂಲಕ ಡೆಬಿಟ್ ವಹಿವಾಟಿನ ಮೇಲೆ ಹಣಕಾಸು ವರ್ಷದಲ್ಲಿ 7,500 ರೂ.ವರೆಗೆ ಕ್ಯಾಶ್‌ಬ್ಯಾಕ್ ನೀಡಲಾಗುತ್ತದೆ. ಇದಕ್ಕಾಗಿ ನೀವು ಕನಿಷ್ಠ 500 ರೂಪಾಯಿಗಳ ಯುಪಿಐ ವಹಿವಾಟು ಮಾಡಬೇಕಾಗುತ್ತದೆ.

ಒಂದು ವರ್ಷದಲ್ಲಿ 7,500 ರೂಪಾಯಿಗಳ ಗರಿಷ್ಠ ಕ್ಯಾಶ್ಬ್ಯಾಕ್:

ಮೂರು ತಿಂಗಳಲ್ಲಿ ಮಾಡಿದ UPI ವಹಿವಾಟಿನ ಆಧಾರದ ಮೇಲೆ ಕ್ಯಾಶ್‌ಬ್ಯಾಕ್ (Cashback) ನೀಡಲಾಗುತ್ತದೆ ಮತ್ತು ತ್ರೈಮಾಸಿಕ ಅಂತ್ಯದ ನಂತರ ಖಾತೆಗೆ ಜಮಾ ಮಾಡಲಾಗುತ್ತದೆ. ಹ್ಯಾಪಿ ಸೇವಿಂಗ್ಸ್ ಖಾತೆದಾರರು ಒಂದು ತಿಂಗಳಲ್ಲಿ ಗರಿಷ್ಠ 625 ರೂ ಕ್ಯಾಶ್‌ಬ್ಯಾಕ್ ಮತ್ತು ವರ್ಷದಲ್ಲಿ ಗರಿಷ್ಠ 7,500 ರೂಪಾಯಿ ಪಡೆಯಬಹುದಾಗಿದೆ.

DCB ಹ್ಯಾಪಿ ಉಳಿತಾಯ ಖಾತೆಯ ವಿಶೇಷತೆಗಳು:

DCB ಹ್ಯಾಪಿ ಉಳಿತಾಯ ಖಾತೆಗೆ ಕನಿಷ್ಠ ಸರಾಸರಿ ತ್ರೈಮಾಸಿಕ ಬ್ಯಾಲೆನ್ಸ್ (AQB) ರೂ 10,000 ರೂಪಾಯಿ ಹಣವನ್ನು ನೀವು ಡೆಪಾಸಿಟ್ ಮಾಡಲೇಬೇಕು. UPI ವಹಿವಾಟಿನ ಮೇಲೆ ಕ್ಯಾಶ್‌ಬ್ಯಾಕ್ ಪಡೆಯಲು, ನೀವು ಖಾತೆಯಲ್ಲಿ ಕನಿಷ್ಠ 25,000 ರೂ.ಗಳ ಬ್ಯಾಲೆನ್ಸ್ ಅನ್ನು ಹೊಂದಿರಬೇಕಾಗುತ್ತದೆ. ಈ ಖಾತೆಯೊಂದಿಗೆ ನೀವು ಅನಿಯಮಿತ ಉಚಿತ RTGS, NEFT ಮತ್ತು IMPS ಸೌಲಭ್ಯಗಳನ್ನು ಪಡೆಯುತ್ತೀರಿ.

ಇದಲ್ಲದೇ, ಡಿಸಿಬಿ ಬ್ಯಾಂಕ್‌ನ ಯಾವುದೇ ATM ನಿಂದ ನೀವು ಅನಿಯಮಿತ ವಹಿವಾಟುಗಳನ್ನು ಉಚಿತವಾಗಿ ಮಾಡಬಹುದಾಗಿದೆ.ಈ ಅತ್ಯಾಕರ್ಷಕ ಕ್ಯಾಶ್ ಬ್ಯಾಕ್ ಕೊಡುಗೆಯು ಹೊಸ ಗ್ರಾಹಕರು ಮತ್ತು ಅಸ್ತಿತ್ವದಲ್ಲಿರುವ ಖಾತೆದಾರರಿಗೆ ಲಭ್ಯವಿರುತ್ತದೆ, ಅವರು ತಮ್ಮ ಖಾತೆಯನ್ನು ಬೇರೆ ಯಾವುದೇ ಉಳಿತಾಯ ಬ್ಯಾಂಕ್ ಖಾತೆಯಿಂದ DCB ಹ್ಯಾಪಿ ಸೇವಿಂಗ್ಸ್ ಖಾತೆಗೆ ವರ್ಗಾಯಿಸಲು ವಿನಂತಿಸಲಾಗಿದೆ.