WhatsApp: ಶೀಘ್ರದಲ್ಲೇ ವಾಟ್ಸಾಪ್ ನಲ್ಲಿ ಯಾರು ಊಹಿಸದ ಫೀಚರ್!

ಪ್ರಪಂಚದಾದ್ಯಂತ ಒಂದು ಅಪ್ಲಿಕೇಶನ್ ಈಗಲೂ ಸದ್ದು ಮಾಡುತ್ತಿದ್ರೆ ಅದು ವಾಟ್ಸಪ್ ಅಂತಾನೂ ಹೇಳಬಹುದು. ವಾಟ್ಸಪ್ ಅಪ್ಲಿಕೇಶನ್ ವಿಶ್ವದಾದ್ಯಂತ 2 ಮಿಲಿಯನ್​ಗೂ ಹೆಚ್ಚು ಬಳಕೆದಾರರನ್ನು ಹೊಂದಿದೆ. ಅದ್ರಲ್ಲೂ ಭಾರತದಲ್ಲೇ ಸರಿ ಸುಮಾರು 550 ಮಿಲಿಯನ್ ಬಳಕೆದಾರರಿದ್ದಾರೆ. ಹಲವಾರು ಟೆಕ್ನಾಲಜಿ ಅಪ್ಲಿಕೇಶನ್​ಗಳಲ್ಲಿ ಈ ವರ್ಷ ಅಪ್ಡೇಟ್​ಗಳು ಬಂದಿವೆ. ಅದ್ರಲ್ಲೂ ಈ ಬಾರಿ ಅತೀ ಹೆಚ್ಚು ಅಪ್ಡೇಟ್ಸ್​ಗಳನ್ನು ಮಾಡಿದ ಅಪ್ಲಿಕೇಶನ್ ಎಂದರೆ ಅದು ವಾಟ್ಪಪ್​.

ಈ ವರ್ಷ ಜನಪ್ರಿಯ ಮೆಸೇಜಿಂಗ್ ಆ್ಯಪ್ WhatsApp ಬಳಕೆದಾರರಿಗೆ ನೀಡಿರುವ ಫೀಚರ್ಸ್​ಗಳು ಎಲ್ಲವೂ ಬಹಳಷ್ಟು ಉಪಯುಕ್ತವಾದವುಗಳು. 2023ರಲ್ಲಿ ಸಾಕಷ್ಟು ಅಪ್ಡೇಟ್ಸ್​ಗಳನ್ನು ಮಾಡಿದ ವಾಟ್ಸಪ್​ನಲ್ಲಿ ಮುಂದಿನ ವರ್ಷ ಇನ್ನೂ 10-15 ಅಪ್ಢೇಟ್ಸ್​ಗಳು ಬರಲಿವೆ ಎಂದು ಕಂಪನಿ ತಿಳಿಸಿದೆ.

ವಾಟ್ಸ್ ಆ್ಯಪ್ ಅಲ್ಲಿ ಬರಲಿರುವ ಹೊಸ ಬದಲಾವಣೆಗಳೇನು?

ವಾಟ್ಸ್ ಆ್ಯಪ್ (WhatsApp) ಬಳಕೆದಾರರು ಶೀಘ್ರದಲ್ಲೇ ಸಿಗ್ನಲ್ ಮತ್ತು ಟೆಲಿಗ್ರಾಮ್‌ನಂತಹ ಮೂರನೇ ವ್ಯಕ್ತಿಯ ಅಪ್ಲಿಕೇಶನ್‌ಗಳಿಗೆ ಸಂದೇಶಗಳನ್ನು ಕಳುಹಿಸಲು ಸಾಧ್ಯವಾಗುತ್ತದೆ. WABetaInfo ವರದಿಯ ಪ್ರಕಾರ, ಈ ವಾಟ್ಸ್ ಆ್ಯಪ್ ಚಾಟ್ ಇಂಟರ್‌ಆಪರೇಬಿಲಿಟಿ ವೈಶಿಷ್ಟ್ಯವನ್ನು ಯುರೋಪ್‌ನ ಡಿಜಿಟಲ್ ಮಾರ್ಕೆಟ್ಸ್ ಆಕ್ಟ್ (DMA) ನಿಯಮಗಳಿಗೆ ಪ್ರತಿಕ್ರಿಯೆಯಾಗಿ ಅಭಿವೃದ್ಧಿಪಡಿಸಲಾಗಿದೆ, ಇದು ವಿವಿಧ ಮೆಸೇಜಿಂಗ್ ಅಪ್ಲಿಕೇಶನ್‌ಗಳ ನಡುವೆ ಸಂವಹನವನ್ನು ಸುಲಭಗೊಳಿಸಲು ದೊಡ್ಡ ಕಂಪನಿಗಳು ಆರು ತಿಂಗಳುಗಳನ್ನು ನೀಡುತ್ತದೆ.

ಈ ವೈಶಿಷ್ಟ್ಯವು ಪ್ರಸ್ತುತ ಅಭಿವೃದ್ಧಿಪಡಿಸುತ್ತಲೇ ಇದ್ದಾರೆ ಸದ್ಯಕ್ಕೆ ಕಂಪನಿಯು ಯಾವುದೇ ಬಿಡುಗಡೆಯ ಟೈಮ್‌ಲೈನ್ ಅನ್ನು ಬಹಿರಂಗಪಡಿಸಿಲ್ಲ. ವಾಟ್ಸಾಪ್‌ನ ಎಂಜಿನಿಯರಿಂಗ್ ನಿರ್ದೇಶಕ ಡಿಕ್ ಬ್ರೌವರ್, ಇಯುನ ಡಿಜಿಟಲ್ ಮಾರ್ಕೆಟ್ಸ್ ಆಕ್ಟ್ (DMA) ನಿಯಮಗಳಿಗೆ ಪ್ರತಿಕ್ರಿಯೆಯಾಗಿ ಚಾಟ್ ಇಂಟರ್‌ಆಪರೇಬಿಲಿಟಿ ವೈಶಿಷ್ಟ್ಯವನ್ನು ಶೀಘ್ರದಲ್ಲೇ ವಾಟ್ಸಾಪ್‌ (WhatsApp) ಗೆ ಬಿಡುಗಡೆ ಮಾಡಲಾಗುವುದು ಎಂದು ಹೇಳಿದ್ದಾರೆ .

ಹೊಸ ಫೀಚರ್ಸ್ ವೈಶಿಷ್ಟ್ಯತೆಯೇನು?

ಈ ವೈಶಿಷ್ಟತೆಯು ಆರಂಭದಲ್ಲಿ ಕರೆಗಳು ಮತ್ತು ಗ್ರೂಪ್ ಚಾಟ್‌ಗಳ ಬದಲಿಗೆ ಸಂದೇಶಗಳು, ಮಾಧ್ಯಮ ಫೈಲ್‌ಗಳು ಮತ್ತು ಡಾಕ್ಸ್‌ಗಳ ಮೇಲೆ ಕೇಂದ್ರೀಕರಿಸುತ್ತದೆ.ಇದರ ಜೊತೆಗೆ, WhatsApp ಇತ್ತೀಚೆಗೆ Android ಬಳಕೆದಾರರಿಗಾಗಿ ಹೊಸ ‘Search by Date’ ವೈಶಿಷ್ಟ್ಯವನ್ನು ಪರಿಚಯಿಸಿತು. ಈ ವೈಶಿಷ್ಟ್ಯದೊಂದಿಗೆ, ಬಳಕೆದಾರರು ತಾವು ಕಳುಹಿಸಿದ ದಿನಾಂಕವನ್ನು ನಮೂದಿಸುವ ಮೂಲಕ ಸಂದೇಶಗಳ ಮಾಧ್ಯಮ ಫೈಲ್‌ಗಳು ಅಥವಾ ಡಾಕ್ಯುಮೆಂಟ್‌ಗಳನ್ನು ಹುಡುಕಲು ಸಾಧ್ಯವಾಗುತ್ತದೆ. ನಿರ್ದಿಷ್ಟ ಸಂದೇಶಗಳನ್ನು ನೋಡಲು ಸಾವಿರಾರು ಚಾಟ್‌ಗಳ ಮೂಲಕ ನ್ಯಾವಿಗೇಟ್ ಮಾಡಲು ಇದು ಬಳಕೆದಾರರಿಗೆ ಅವಕಾಶ ನೀಡುತ್ತದೆ. ಕಂಪನಿಯ ಪ್ರಕಾರ, ಹುಡುಕಾಟ-ಮೂಲಕ-ದಿನಾಂಕದ ವೈಶಿಷ್ಟ್ಯವು ಪ್ರಸ್ತುತ ಆಂಡ್ರಾಯ್ಡ್ ಬಳಕೆದಾರರಿಗೆ ಹೊರಹೊಮ್ಮುತ್ತಿದೆ ಮತ್ತು ಈಗಾಗಲೇ iOS, Mac ಮತ್ತು WhatsApp ವೆಬ್‌ನಲ್ಲಿ ಲಭ್ಯವಿದೆ.

ಕೋಡ್​ ಎಂಟ್ರಿ ಮಾಡಿಯೇ ವಾಟ್ಸಪ್ ಲಾಗಿನ್ ಆಗ್ಬೇಕು:

ಬಹು ಡಿವೈಸ್‌ಗಳಲ್ಲಿ ಒಂದೇ ಖಾತೆಯನ್ನು ಬಳಕೆ ಮಾಡುವ ಫೀಚರ್ಸ್‌ ಅನ್ನು ಅನಾವರಣ ಮಾಡಿದ ನಂತರ ಭದ್ರತೆಯನ್ನು ಹೆಚ್ಚಿಸುವ ಸಲುವಾಗಿ ಈ ಸೌಲಭ್ಯ ನೀಡಲಾಗುತ್ತಿದೆ. ಈ ಹೊಸ ಫೀಚರ್ಸ್‌ ಮೂಲಕ ನೀವು ಹೊಸ ಡಿವೈಸ್‌ನಲ್ಲಿ ಲಾಗಿನ್‌ ಮಾಡುವಾಗ 6 ಅಂಕಿಯ ಕೋಡ್ ಅನ್ನು ವಾಟ್ಸ್​ಆ್ಯಪ್​ನಲ್ಲಿ ನೋಡಬಹುದಾಗಿದೆ. ಹಾಗೆಯೇ ಈ ಕೋಡ್‌ ಪ್ರಾರ್ಥಮಿಕ ಡಿವೈಸ್‌ ಅಥವಾ ಮೊಬೈಲ್‌ಗೆ ಮಾತ್ರ ರವಾನೆಯಾಗುತ್ತದೆ.