Post Office: ತಿಂಗಳಿಗೆ 5000 ದಿಂದ 9000 ವರೆಗೂ ಬಡ್ಡಿ ಬೇಕೆಂದರೆ ಪೋಸ್ಟ್ ಆಫೀಸ್ ನಲ್ಲಿ ಎಷ್ಟು FD ಮಾಡಬೇಕು ಗೊತ್ತಾ?

ವಿವಿಧ ರೀತಿಯಾದಂತಹ ಹೂಡಿಕೆಯ ಮಾಡುವ ಮೂಲಕ ಹಲವಾರು ರೀತಿಯಾಗಿ ನಮ್ಮ ಮಾಸಿಕ ಆದಾಯವನ್ನು ಹೆಚ್ಚಿಸಿಕೊಳ್ಳಬಹುದು. ಇನ್ನು ಮಾಸಿಕ ಆದಾಯವನ್ನು ಗಳಿಸುವ ಸಲುವಾಗಿ ಪೋಸ್ಟ್ ಆಫೀಸ್ (Post Office) ಕಡೆಯಿಂದ ಹೊಸ ರೀತಿಯಾದಂತಹ ಯೋಜನೆ ಒಂದು ಜಾರಿಯಾಗಿದೆ. ಇನ್ನು ಅದರಂತೆ ನಾವು ಎಷ್ಟು ಹೂಡಿಕೆ ಮಾಡುತ್ತೇವೋ ಅದಕ್ಕೆ ತಕ್ಕಂತೆ ನಮಗೆ ಮಾಸಿಕವಾಗಿ ಆದಾಯ ಬರುತ್ತಾ ಹೋಗುತ್ತದೆ. ಹಾಗಾದರೆ ಆ ಯೋಜನೆ ಯಾವುದು? ಮತ್ತು ಅದರಿಂದ ಆಗುವ ಪ್ರಯೋಜನಗಳೇನು? ಎಷ್ಟು ಆದಾಯವನ್ನು ಪಡೆಯಬಹುದು? ಎಂಬುದರ ಕುರಿತಾಗಿ ಸಂಪೂರ್ಣವಾಗಿ ತಿಳಿದುಕೊಳ್ಳೋಣ.

ಅಂಚೆ ಕಛೇರಿಯಲ್ಲಿ ಮಾಸಿಕ ಆದಾಯ ಯೋಜನೆ (MIS-Monthly Income Scheme at Post Office) ಮತ್ತು ಅದರ ಹೈಲೈಟ್ಸ್:

ಈ ಉಳಿತಾಯ ಯೋಜನೆಯು ಠೇವಣಿದಾರರು ಅಥವಾ ಹೂಡಿಕೆದಾರರು ತಮ್ಮ ಹಣವನ್ನು ಐದು ವರ್ಷಗಳ ಸಂಪೂರ್ಣ ಮೆಚ್ಯೂರಿಟಿ ಅವಧಿಗೆ ಪ್ರತಿ ತಿಂಗಳು ಬಡ್ಡಿಯನ್ನು ಗಳಿಸಲು ಅವಕಾಶ ಮಾಡಿಕೊಡುತ್ತದೆ. ಪ್ರಸ್ತುತ, ಈ ಯೋಜನೆಯು ಶೇಕಡಾ 7.4 %ರಷ್ಟು ಆದಾಯವನ್ನು ನೀಡುತ್ತದೆ. ಪೋಸ್ಟ್ ಆಫೀಸ್ ಮಾಸಿಕ ಆದಾಯ ಯೋಜನೆ (Post Office Monthly Income Scheme) ಯು ಹಲವಾರು ಸರ್ಕಾರಿ-ಬೆಂಬಲಿತ, ಖಾತರಿ-ಆದಾಯ ಯೋಜನೆಗಳಲ್ಲಿ ಒಂದಾಗಿದೆ, ಇದು ಹೂಡಿಕೆದಾರರಿಗೆ ಮುಕ್ತಾಯದ ನಂತರ ನಿಯಮಿತ ಮಾಸಿಕ ಆದಾಯವನ್ನು ಉಳಿಸಲು ಸಹಾಯ ಮಾಡಿಕೊಡುತ್ತದೆ.

Post Office MIS ಯೋಜನೆಯು ಹೂಡಿಕೆದಾರರಿಗೆ ಒಂದು ಖಾತೆಯಲ್ಲಿ ಗರಿಷ್ಠ 5,550 ರೂ.ಗಳ ಮಾಸಿಕ ಆದಾಯವನ್ನು ಮತ್ತು ಜಂಟಿ ಖಾತೆಯಲ್ಲಿ ರೂ. 9,250 ಅನ್ನು ಪಡೆಯಲು ಸಹಾಯ ಮಾಡಿಕೊಡುತ್ತದೆ. ಹೂಡಿಕೆದಾರರಿಗೆ ಮಾಸಿಕ ಪಿಂಚಣಿಯಂತೆ ಕೆಲಸ ಮಾಡುವ ಮಾಸಿಕ ಪಾವತಿಗಳ ಮೇಲಿನ ಆದಾಯವನ್ನು ಸ್ವೀಕರಿಸಲು, ಮತ್ತು ಒಂದು ಬಾರಿ ಡೆಪಾಸಿಟ್ ಮಾಡಲು ಅವಕಾಶ ಮಾಡಿಕೊಡುತ್ತದೆ. ಸ್ಥಿರ (Fixed Monthly Pension) ಮಾಸಿಕ ಪಿಂಚಣಿ ಯೋಜನೆಯು ಮೂರು ವಯಸ್ಕರಿಗೆ ಅಂದರೆ 18 ವರ್ಷಕ್ಕಿಂತ ಮೇಲ್ಪಟ್ಟ ವಯಸ್ಸಿನವರಿಗೆ ಜಂಟಿ ಆಗಿ ಹೂಡಿಕೆ ಮಾಡಲು ಅನುಮತಿಸುತ್ತದೆ.

ಮುಕ್ತಾಯದ ನಂತರ, ಮಾಸಿಕ ಆದಾಯವು ನಿಲ್ಲುತ್ತವೆ. ಮತ್ತು ಹೂಡಿಕೆಯ ಮೊತ್ತವನ್ನು ಹೂಡಿಕೆದಾರರಿಗೆ ಹಿಂತಿರುಗಿಸಲಾಗುತ್ತದೆ. ಡೆಪಾಸಿಟ್ ಮಾಡಿದ ದಿನಾಂಕದಿಂದ ಒಂದು ವರ್ಷ ಪೂರ್ಣಗೊಳ್ಳುವ ಮೊದಲು ಯಾವುದೇ ಠೇವಣಿ ಹಿಂಪಡೆಯಲು ಅನುಮತಿಸಲಾಗುವುದಿಲ್ಲ, ಸ್ಕೀಮ್‌ನ ಪೂರ್ಣ ಮೆಚ್ಯೂರಿಟಿ ಅವಧಿಯ ಮೊದಲು ಅಕಾಲಿಕ ಮುಚ್ಚುವಿಕೆಯು,‌ ಕೆಲವು ಕಡಿತಗಳಿಗೆ ಕಾರಣವಾಗುತ್ತದೆ. ಮತ್ತು
ಹೂಡಿಕೆದಾರರು ನಿಗದಿತ ಅರ್ಜಿಯ ಪ್ರತಿಯನ್ನು ಪಾಸ್‌ಬುಕ್‌ನೊಂದಿಗೆ ಸಂಬಂಧಪಟ್ಟ ಪೋಸ್ಟ್ ಆಫೀಸ್ (Post Office) ಶಾಖೆಯಲ್ಲಿ ಸಲ್ಲಿಸುವ ಮೂಲಕ ಅಕಾಲಿಕ ಅಂದರೆ ಮೆಚ್ಯುರಿಟಿಗೂ ಮೊದಲು ಮುಚ್ಚುವಿಕೆಗೆ ಅರ್ಜಿ ಸಲ್ಲಿಸಬಹುದು.

ಇಲ್ಲಿ ಹತ್ತು ಸಾವಿರದಿಂದ ಹದಿನೈದು ಲಕ್ಷದವರೆಗೆ ಹೂಡಿಕೆಯನ್ನು ಮಾಡಬಹುದು. ಇನ್ನು ಹೂಡಿಕೆ ಮಾಡುವುದಕ್ಕೆ ಮಾಸಿಕವಾಗಿ ಸಿಗುವಂತಹ ಆದಾಯ ಎಷ್ಟು ಎಂದು ತಿಳಿದುಕೊಳ್ಳುವುದಾದರೆ 10000 ಹೂಡಿಕೆಗೆ ಮಾಸಿಕವಾಗಿ 62 ರೂ, 50,000ಕ್ಕೆ ಮಾಸಿಕ 308ರೂ, 1 ಲಕ್ಷಕ್ಕೆ ಮಾಸಿಕ 617, 2 ಲಕ್ಷಕ್ಕೆ ಮಾಸಿಕ 1233ರೂ,5 ಲಕ್ಷಕ್ಕೆ ಮಾಸಿಕ 3083ರೂ, 9 ಲಕ್ಷಕ್ಕೆ ಮಾಸಿಕ 5,550ರೂ , 10 ಲಕ್ಷಕ್ಕೆ ಮಾಸಿಕ 6167ರೂ,11 ಲಕ್ಷಕ್ಕೆ ಮಾಸಿಕ 6783 ರೂ, 13 ಲಕ್ಷಕ್ಕೆ ಮಾಸಿಕ 8017ರೂ,14 ಲಕ್ಷಕ್ಕೆ ಮಾಸಿಕ 8,633ರೂ 15ಲಕ್ಷಕ್ಕೆ ಮಾಸಿಕ 9250ರೂ ಆದಾಯ ಸಿಗಲಿದೆ.